CEBU -Gibutyag sa Bureau of Internal Revenue-Revenue Region (BIR-RR) 13 nga maayu ang performance sa ekonomiya sa Cebu ug Bohol sa unang upat ka buwan sa tuig 2023, base sa strong tax collection, diin nalabwan niini ang target nga 14.22 porsyento alang sa maong period.
Matud ni BIR Revenue Region 13 Assistant Director Maria Socorro Lozano, nakakolekta sila ug P14.25 billion, diin mas taas kini sa target collection nga P12.37 billion alang sa buwan sa Enero hangtud sa Abril.
Ang lima ka Revenue District Offices (RDO) sa BIR-RR 13 naglangkub sa RDO 81 (Cebu City North); RDO 82 (Cebu City South); RDO 83, Mandaue City ug ang mga lungsod sa northern Cebu; RDO 80 Talisay City ug ang mga lungsod ug siyudad sa southern Cebu; ug ang RDO 84 alang sa tibuok Bohol island.
Nasayran nga naglakip sa mga dagkung tax-paying companies mao ang hospitality, tourism, education ug banking.//