ILOILO CITY — Ginaboebanta nga kapin sa 3.7 million pesos ro balor it kasamaran sa mga pananum sa natabo nga flash floods sa Miag-ao, Iloilo.
Nasayuran nga base sa inisyal nga damage assessment, 205 ektaryas nga pananum sa 32 ka mga barangay ro nasamad.
Tatlong suba sa banwa it Miag-ao ro umapaw rasun nga sa 119 nga barangay sa nasambit nga banwa, 54 kara ro naapektuhan.
May sangka irrigation system ro nawasak nga ginaboebanta nga sa P1 million ro balor it damage.
Namatay man sa pagbaha ro kapin sa pitong mga alagang sapat parehu it karabaw ag baka samtang inanod man it baha ro pilang sako it paeay. / ANN DESLENE SALAZAR