Naglab-ot na sa 104 ang nabalhag nga naglapas election gun ban sang Commission on Elections (COMELEC) sa Western Visayas.
Sandig ini sa pinakaulihi nga datos sang Police Regional Office 6 humalin Agosto 28, 2023 tubtob October 18, 2023.
Nahibaluan nga yara na sa 17,884 ka mga checkpoints ang ginkasa sang 147 ka mga police stations sa rehiyon kun sa diin 73 ka mga armas-luthang ang nakompiskar, 347 ang ginsungka, 164 ang gin-deposit, kag 45 ka matalom nga hinganiban kag iban pa nga kontrabando ang kompiskado man.
Magalawig ang gun ban tubtob sa Nobyembre 29, 2023 samtang sa Oktubre 30 na pagahiwaton ang Barangay kag Sangguniang Kabataan Elections (BSKE).
Katuwang man sang COMELEC sa checkpoints ang Armed Forces of the Philippines, Philippine Coast Guard kag iban pa nga ahensiya sang gobyerno. | Judy Ann Juare