KORONADAL CITY- NAGSAGAWA ng libreng Garage Emission Testing sa mga sasakyan ng gobyerno ang Environmental Management Bureau o EMB Region 12 kamakailan lamang.
Ito ay isinagawa sa harap ng South Cotabato Sports Complex at sa Prime Regional Center ng Koronadal City.
Napag-alaman na 30 mga government vehicles ang isinailalim sa emission test na kinabibilangan ng mga sasakyan ng provincial government ng South Cotabato, Bureau of Fire Protection, Bureau of Fisheries and Aquatic Resources, Philippine Drug Enforcement Agency XII, Department of Trade and Industry XII, Philippine Regulation Commission XII, Mines and Geosciences Bureau XII at Environmental Management Bureau XII.
Sa 30 mga na-test, 22 sa mga ito ang pasado sa emission test habang walo naman ang bumagsak at inirekomendang isailalim sa maintenance.
Ang Free Garage Emission testing ay nahagi ng kampanya laban sa smoke-belching vehicles kasabay ng selebrasyon ng National Clean Air Month na may temang “Rise Up: Moving Beyond Climate Talk to Climate Action.”
