Empleyado ng Munisipyo sa Pili, Camarines Sur patay matapos tangayin ng baha

NAGA CITY – Patay na nang matagpuan kahapon bandang 2:25 ng hapon ang isang empleyado sa Munisipyo, matapos tangayin ng tubig-baha sa bayan ng Pili, Camarines Sur dahil sa pag-uulang naranasan dulot ng shear line.

Sa panayam ng Brigada News FM Naga kay Nicolas Boclot Jr, Acting Head ng MDRRMO Pili, nasa bandang ilalim na ng fish pond nakita ang bangkay ng biktimang si Eddie Camillo Tanudra, 49 taong gulang, taga Sitio Caboclodan, Barangay San Jose, Pili, nagtatrabaho sa Office of Community Affairs and Development ng bayan, matapos nitong puwersahang tawarin ang rumaragasang tubig sa spillway papuntang Barangay Curry noong Enero 19 ng gabi kung saan hindi natiyansa na mataas na pala ang tubig.

Ayon pa sa opisyal may tama sa ulo ang biktima na posibleng tumama sa bato.

Labis namang pagdadalamhati ang nararamdaman ng pamilya, maging ang Acting Mayor Francis Belen ay nagpa-abot na rin ng pakikiramay lalo na’t empleyado pa ng Gobyerno Lokal.

Nanawagan at nagpa-alala naman ang MDRRMO sa publiko na sana sa ganitong sitwasyon na delikado nang tumawid pa huwag nang magpumilit pang tumawid nang sa gayon ay hindi mapahamak.

Leave a Reply

Your email address will not be published. Required fields are marked *