Sangka male Visayan Tarictic Hornbill (Penelopides panini) ro nasapwan nga maeuya eon sa Sitio Manirag, Barangay Poblacion, Laua-an, Antique.
Ro nasambit nga Visayan Tarictic Hornbill hay sangka endangered species nga endemic sa mga isla it Negros ag Panay.
Nasayuran nga si Shirly Palomara, nga residente sa nasambit nga lugar ro nakadakop sa Visayan Tarictic Hornbill ku dominggo, Nobyembre 5, ngani insigida nana raya nga ginreport sa Department of Environment and Natural Resources (DENR).
Sa makarun hay sa kustodiya eon ro nasambit nga pispis it DENR-Community Environment and Natural Resources (CENRO)-Belison Law Enforcement Unit para obserbahan. // ANN DESLENE SALAZAR