Engkwentro sa Strada ug traysikol, 3 patay, 1 angol

Dead on the Spot ang tulo ka mga individual nga sakay sa Traysikol human naka engkwentro niini sa dalang national highway Brgy. Sanghan sakop sa dakbayan sa Cabadbaran lalawigan sa Agusan Del Norte ang Strada Pick-up pasado alas 11:15 sa buntag.

Giila ang mga namatay nga sila Aldrin Jumalon Guergio, hamtong ang pangidaron, driver sa traysikol nga nagdala sa palakang numero 652ZAJ, ug ang mga pasahero niini nga si Miraflor Silvosa Gavisan hamtong ang pangidaron, Reynaldo Bacleon Fajardo 55 anyos, minyo parehong nanimuyo sa purok 4, Brgy. Sumilihon tungod sa pagkaangkon fatal injuries human nangalagpot tungod sa kakusog sa impact sa pagkabangga.

Sa initial nga imbestigasyon Gibutyag ni Police Major Renel Serrano ang hepe sa Cabadbaran City Police Station nga posibleng kusog matud pa ang dagan sa maong pick-up gikan sa Butuan City paingon sa Cabadbaran City hinungdan nga mikawat kini sa pikas linya dihang na slide ang ligid gumikan sa kadanlog sa dalan resulta nga didto kini mibangga sa kasugat nga traysikol.

Nasayran nga luwas ra ang driver sa Mitsubishi Estrada nga si Geoffrey Lawrence Lopez Torralba, 27 anyos, adunay kapuyo ug lumulupyo sa P-15A, Brgy. San Vicente, Butuan City samtang samaron ang isa ka pasahero niini nga daling gidala sa balay tambalanan.

Alayon niini padayon pang giimbestigahan sa kapulisan ang nasampit nga panghitabo.