EOC, nakatala ug daghang namatay sa Covid-19 sa mountain barangay sa Cebu City

Giangkon sa Cebu City Emergency Operations Center (EOC) nga mas daghan ang mga namatay sa covid-19 sa bukirang bahin sa dakbayan sa Sugbo.

Mao kini ang labing unang higayon nga nakatala og mas taas nga fatality ang mga bukirang mga barangay sa syudad.

Basi sa datos sa EOC, nakatala na ang dakbayan og 51 ka mga nakalas gikan sa mga brangay sa North ug South District sa buwan sa Agosto, diin miabot na sa 36 ang mga namatay sa amihanang bahin sa syudad samtang 15 ang sa habagatan.

Matud ni Konsehal Joel Garganera nga ang ihap sa mga namatay sa mga bukirang mga barangay sa syudad, miabot na sa 21.7 porsyento gikan sa kinatibuk-ang ihap sa mga nakalas sa syduad sud sa buwan sa Agosto 2021.

Ang mga natalang namatay sa north district sa syudad sa Sugbo naggikan sa Adlaon, Agsungot, Bacayan, Binaliw, Busay, Cambinocot, Guba, Pit-os, Pulangbato, ug Sirao.

Samtang sa south, gikan sa Babag, Buhisan, Kalunasan, Sapangdaku, Tabunan, ug Toong.