Estatwa ni Andres Bonifacio naputol ang duha ka kamot human natumbahan og dakung neem tree

NATUMBAHAN og dakung punoan sa Neem tree ang estatwa ni Andres Bonifacio sa sulod sa Plaza Heneral Santos.

Ang resulta nadaut ang kural sa estatwa, nahiwi ang poste sa suga ug naputol ang duha ka kamot sa usa ka national hero nga si Andres Bonifacio.

Sumala sa naga mower sa mga sagbot nga si Saniel Inocentes pag abot niya og alas 5 sa buntag natumba na ang kahoy.

Gumikan sa hitabo igmat usab kaayo ang grupo sa mga kababaihan nga naga Zumba ilawom sa kakahuyan sa Plaza Heneral Santos, nahinabi sa Brigada News Team silang Genita delo Santos ug Jenebeth Bacalso.

Gilayon usab nga gipa adtoan sa General Foreman sa City ENRO nga si Benjamin Cadiente ang natumba nga kahoy, iyang gipaputol.

Gikuha usab sa usa ka membro sa Knights of Columbus ang naputol nga bahin sa kamot ni Bonifacio aron ilang ipaayo ang estatwa.

Kahibaluan nga kaniadtong 2017 natukod ang estatwa pinaagi sa usa ka resolusyon sa konseho. I Ver Diazon