Pormal nang inihain sa Senado ni Senate Committee on Labor, Employment and Human Resources Chairperson, Senator Jinggoy Estrada ang panukalang batas 2456 o “Kabalikat sa Hanapbuhay Act”.
Ayon kay Estrada, katulad ng RA 11261 o “First Time Jobseekers Assistance Act” ay layunin din ng itinutulak niyang panukalang batas na mapagaan ang bulsa ng mga indigent families.
Sa ilalim kase nito ay bibigyan ng dalawampung porsyentong diskwento o “waive” sa fees at charges ang sinumang mapapatunayang parte ng “indigent” na kukuha ng pre-employment documents mula sa mga iba’t ibang ahensya ng gobyerno.
Dagdag pa niya, makatutulong sa mahigit limang milyong mahihirap na sambahayan ang pagsasabatas nito.
Kaugnay nito, umaasa ang senador sa agarang pagsasabatas nito upang makapakinabangan ng mga kwalipikadong aplikante.
