NAKIT-AN na nga anaa sa state of decomposition ang usa ka batan-ong babaye sulod sa usa ka payag sa bakanteng lote sa Purok Malipayun, Brgy.San Isidro,GenSan alas 4 pasado sa hapon, Enero 18.
Giila sa mismong pamilya nga ang maong batan-ong babaye mao si Jazdel Gabayeron, 16-anyos ug Grade 10 student sa SPED Integrated School sa Brgy.San Isidro, GenSan.
Nakit-an sa taga SOCO ang batan-on nga nakauniporme ug naghayang sulod sa CR nga anaa na sa state of decomposition.
Anaa usay nakita nga pistola nga natabunan sa tuhod nga bahin niini ug ang iyang bag ug cellphone.
Sa karon padayun pa ang gihimong imbestigasyon sa kapulisan sa maong insidente.
Una nang gipanawagan sa pamilya ang pagka-missing ni Jazdel, Enero 12 human kini ang wala na makapauli sa ilang balay human magtungha.
Nakita sa mga bata nga nakaadto sa lugar ang kamot nga bahin sa maong estudyante sulod sa CR ug ilang gitug-an sa ilang inahan ug nakumpirma nga patayng lawas sa tawo ang anaa sa sulod sa gikural nga lote.
Gilayung giadtoan sa nakakita sa live sa Brigada News FM GenSan nga kabanay sa batan-on apan wala gipasulod dayun sa gikordon nga area. Hilabihan sa pagdangoyngoy sa inahan ug amahan sa batan-on dihang ilaha na kining nakit-an ug gikumpirma nga kini mao si Jazdel.