Estudyanteng nahulong sa motorsiklo, nasagasaan  ng bus sa Camarines Sur

NAGA CITY- Patay ang isang 18-anyos na etudyante matapos na masagasaan ng bus nang mahulog ito sa sinasakyang motorsiklo sa Ragay , Camarines Sur.

Sinabi sa Brigada News FM Naga sa imbestigador ng insidente na si PSSGT Jimijon Salamque, pasado alas-6 kagabi Pebrero 5, 2023 papunta sa Sipocot kung saan nag aaral sa kursong Criminology ang biktimang si Arabela Cuenca y Custodio residente ng Tagkawayan, Quezon.

Pagdating aniya sa malubak na kalsada ng Agrupasyon Ragay,  sumemplang ang motorsiklo at nahulong ang backrider na biktima, may paparating namang bus at nasagasaan ito.

Samantalang gasgas naman ang inabot ng kasamang kaklaseng si Johnwell Matias na nagdala ng motor.

Ang driver naman ng bus na si Aurelio Cantor ng Goa, Camarines Sur ay nasa kostudiya ng PNP.

Inaalam ng PNP kung ano ang napag-usapan ng magkabilang panig.

Kasunod nito, tutungo ang PNP sa mga opisina sa Ragay na silang dapat na mag-aksyon ukol sa problema lalo na hindi ito ang unang pagkakataon na may naaksidente dahil sa lubak ng kalsada.

Leave a Reply

Your email address will not be published. Required fields are marked *