Ginpaguwa eon it LGU Kalibo ro Executive Order No. 057, series of 2022 o An Executive Order Establishing The Guidelines And Protocols On The Safe Observance Of The All Saints’ Day And All Souls’ Day 2022 Within The Territorial Jurisdiction Of The Municipality Of Kalibo.
Sa nasambit nga EO, gin engganyo ro tanan nga magsuksok it facemask ag magdaea it sanitizers.
Ginhinyo man ro may flu-like symptoms kaparehu it eagnat, ubo ag sip-on nga indi eon anay mag agto sa mga sementeryo.
Ro mga sementeryo sa Kalibo hay pagabuksan umpisa alas 6 it agahun hasta alas 9 it gabii umpisa October 31 to November 3, 2022.
Ginabawae man ro mga de-boteng ilimnon, mga hinganiban, armas, eksplosibo, unlicensed firecrackers, harmful chemicals ag iba pa.
Owa man ginapasugtan ro mag overnight kamana man ro mga behikulo sa sueod it sementeryo, bawae man ro mabaskug nga tunog, karaoke ag sugae kamana man ro drones ag armas owa’t eabot eon lang kung may security clearances.
Samtang, ro mga ambulant vendors eamang nga may special permit halin sa LGU Kalibo ro ginapasugtan nga magbaligya halin it October 30 to November 3.
Gin-engganyo man ro pag obserba sa tama nga pagpilak it basura ag sundon ro CLEAN AS YOU GO Policy. / ANN DESLENE SALAZAR