EXTORTION o pagpangilkil ang motibo nga natumbok sa kapulisan sa pagpamomba sa bus nga nagbilin og pito ka samaron.
Matud ni Police Col. Christopher Bermudez, director sa Sultan Kudarat Provincial Police Office (SKPPO), human ang pagbusikad sa bag-ong unit sa double-decker nga bus nga iya sa husky.
Dunay nadawat nga tawag gikan sa personaheng nagpaila nga miyembro sa usa ka terror group og dunay ginapangayo. Apan wala na gidetalye ni Bermudez ang pangalan sa grupo asa miyembro ang mitawag ug pila ang kantidad sa salapi nga gipangayo.
Human usab natumbok sa kapulisan ang mga indibidwal nga nagbitbit sa duha ka eksplusibo sa bus, takda nilang ipasaka ang kaso sa piskalya sunod semana.
Samtang, nagdumiili si Bermudez nga panganlan ang grupo nga ngpaluyo sa ulahing insidente sa pagpamomba sa Isulan, Sultan Kudarat. Kahibaloan nga pagpangilkil usab ang motibo nga nasuta sa kapulisan sa pagpamomba sa unit sa Yellow Bus Line (YBL) atong Nobyembre 2022. I Richel Gubalani