CEBU CITY – Dili muminos sa napulo ka mga pasahero sa fastcraft nga Supercat ang naangol human nga nabangga kini sa usa ka cargo vessel sa Mandaue-Mactan Bridge gahapon sa hapon.
Ang maong fastcraft giingong gikan sa dakbayan sa Ormoc ug paingon dinhi sa siyudad sa Sugbo nga adunay 185 ka mga pasahero.
Tungod sa kakusog sa impact sa pagkabangga, daghang pasahero ang nangaangol sa dihang napasok sila sa mga bangko.
Matud ni Harold Alcontin, pangu sa Cebu City Disaster Risk Reduction Management (CCDRRM) team nga dali nilang gi-asikaso ang mga pasahero ilabina ang mga na-injured.
Sa pagkakarun wala pa nihatag ug pamahayag ang Philippine Coast Guard (PCG) kung unsa ang hinungdan sa maong insidente.//