FDA-LTO application ng ISU CVCDC, aprobado na

Aprobado na ng Food and Drug Administration ang aplikasyon ng Isabela State University – Cagayan Valley Cacao Development Center sa Echague, Isabela upang magkaroon ng Licensed to Operate.

Ito ang kinumpirma ni ISU-System President Dr. Ricmar Aquino sa kaniyang ibinahaging pahayag sa ika-123 na anibersaryo ng Department of Agriculture Region 2.

Aniya, naibigay na ng FDA ang licensed to operate ng cacao center ng unibersidad katuwang ang DA Region 2.

Sa ngayon aniya ay hinihintay na lamang na mabigyan ng certificate of product compliance mula FDA ang kanilang mga produkto.

Pinasalamatan naman ni Dr. Aquino ang ibinibigay na suporta ng DA Region 2 kung saan inaasahang makakatanggap ng partnership mula Belgium.

Kaugnay dito, nakita umano ng Belgium ang cacao center ng ISU na sinusuportahan ng DA RO2 at bagaman walang taniman ng cacao ang Belgium ay makatutulong umano ito sa product development.

Sa katunayan aniya, inaasahan rin ng ISU-CVCDC ang partnership mula sa bansang Hawaii at Europe.

Layunin umano nito na maging supplier na cacao products sa nabanggit na mga bansa upang matulungan ang mga cacao farmers sa rehiyon.

Leave a Reply

Your email address will not be published. Required fields are marked *