-Reymund Titong
KABANKALAN CITY, Negros Occidental — Paga-sugdan na sa masunod nga semana ang pagpanagtag sang ayuda para sa mga mangunguma kag mangingisda nga apektado sang El Nino phenomenon, sa idalum sang Presidential Assistance to Farmers, Fisherfolk, and Families (PAFFF) nga programa ni Presidente Ferdinand Marcos, Jr., suno kay Negros Occidental Governor Eugenio Jose Lacson.
Suno sa gobernador, may yara lamang sila ang 30 diyas agud e-panagtag ang tanan nga ayuda sa mga na lista nga benipisyaryo sa Department of Agriculture (DA) nga nag-agi sa opisina sang presidente.
Sa idalum sang PAFFF program, makabaton sang tig-P10,000 ang kada benipisyaryo kag may yara sang istrikto nga pagsulundan ang nasambit nga distribusyon sang ayuda, lakip diri ang pag-disqualify sa mga mangunguma nga nakabaton na sang ayuda gikan sa gobyerno nasyunal nga sa pariho man nga rason kag problema.
Madumduman nga sang Hunyo 27, nagpadulong ang presidente sa syudad sang Bacolod agud personal nga e-turnover ang 50 milyones nga balor sang ayuda sa 8, 315 tanan ka mga benipesyaryo.
Dugang pa ni Lacson, maga panagtag naman sila sang P2,000 ka financial aid sa mga apektado man nga managunguma sang El Nino phenomenon.*