SA GenSan magpahigayon og One Stop Shop ang taga Regional Civil Security Unit kun RCSU 12 sa Police Regional Office kun PRO-12 karong Pebrero 28.
Kini ang gibutyag ni Assistant Chief RCSU-12 PCapt Glorio Dumandan Jr. nga monthly nila kini ginahimo ug human sa GenSan laing probinsya na usab ang ilang schedule nga adtoan.
Tumong matud pa niini nga matabangan ang mga firearms holders o naghupot og armas nga expired na ang registration nga maka-renew bag-o pa sila gukdon sa kapulisan.
Sa GenSan sulod sa Camp Fermin G.Lira ipahigayon ang One Stop Shop alang sa tanang serbisyo sa PNP, anaa apil na ang pagkuha og License to Own and Possess Firearms kun LTOPF.
Magsugod ang maong caravan alas 8 sa buntag hangtud alas 5 sa hapon Pebrero 28 nga inisyatibo usab ni PCol. Jomar Alexis Yap, labaw sa General Santos City Police Office.
Awhag ni Dumandan sa may mga expired firearms registration nga mo-avail sa maong caravan.