Miabot na sa 42,820 ka mga healthcare frontliners sa Davao Region ang nakakumpleto na sa una ug ikaduhang dose sa bakuna kontra COVID-19 base sa datus nga gipalugwa sa
Department of Health-XI.
Matud kang DOH-XI Regional Director Dr. Annabelle Yumang ang maong ihap gikan sa 117,688 nga unang nakadawat og dose subay sa ilag listahan.
Nahuman na usab sa ahensya ang paghatag og first dose sa A1 priority busa gitutukan na karon sa ahensya ang pagbakuna sa unang dose sa mga senior citizens ug kadtong adunay comorbidities o anaa sa A3 group.
Kahibaluang base sa monitoring DOH-XI anaa pa lang sa 65,095 senior citizens sa rehiyon ang nahatagan sa first dose nga layo pa sa target nga 353,268 nga anaa sa ilag masterlist.
Alang usab sa mag dunay comorbidities anaa na sa 3,378 ang nakakuha sa unang dose gikan sa 55,125 kinatibuk-ang ihap apan padayon pa kining nadugangan tungod sa padayong vaccination sa nagkadaiyang local government units nga nakadepende sa availability sa bakuna. BNFM-DAVAO
