FISH SECTION SA CENTRAL PUBLIC MARKET NAGPABILIN NGA PROBLEMA – MARKET ADMINISTRATOR

GIANGKON ni Gensan Public Market Administrator Lito Esclamado nga ang fish section nalang ang nagpabilin nila nga problema gumikan sa dili standard ang pagkahimo sa kanal.

Segon ni Esclamado nga gikinahanglan ang standard nga kanal sa isdaan ug butangan og screen sa ibabaw aron nga dili mabulasot ang mga mamalengke.

Dugang pa niini nga mahimong trabahuso sa maong lugar mentras magpabilin ang kagamay sa kanal maong gikinahanglan ang kanunay nga pagbantay sa mga trabahante aron nga dili mahimong abnormal ang dagan sa tubig.

Gipanghinaot nalang sa administrador nga mabalik na unta ang na-revert nga budget aron nga mahimong standard ang kanal sa bahin sa isdaan sa nahisgotan nga palengke. I Danny Casi