Foot patrol, border checkpoint asin solid waste management awareness lecture, ikinundusir kan PNP sa banwaan nin San Andres, Catanduanes

BNFM BICOL– Saku-sakong mga basura an nakua sa dagat kan Catanduanes 1st PMFC 3rd Maneuver Platoon makalihis na gibohon sa Barangay Codon banwaan nin San Andres an Foot Patrol asin Border Checkpoint kaning nakaaging aldaw.

Segun sa PNP, makalihis an saindang pag-inspeksyon, nareparo nindang kadakol mga basura an nagkaralat asin naghalo sa kadagatan na pwedeng maging kawsa nin manlain-lain na helang partikularmente sa mga residenteng nakaistar harani sa nasambitan nang lugar.

Huli kaini, saindang ikinundusir an Solid Waste Management Awareness Lecture asin pagtukdo kun papano an tamang pag-apon nin basura sa tabang kan mga barangay officials sa naunambitan nang lugar, na pig partisiparan kan mga estudyante nin Codon Elementary School.

Lain pa kaini, saro pa sa saindang mga inisyatibo ngunyan iyo ang pakikipag tabangan kan PNP sa LGU dapit sa regular na paghakot nin basura kada aldaw nin Biyernes.

Magrurumduman na an Pilipinas, nakabali sa sampulong nasyon sa kinaban na may pinakadakul na inaapon na plastic sa kadagatan.### KENNETH BERMIL, Intern

Leave a Reply

Your email address will not be published.