Namatay kagahapong adlawa ang kanhi Gobernador sa Sugbo nga si Emilio ‘Lito’ Osmeña sa edad nga 82 anyos.
Basi sa facebook post ni Cebu City Councilor Renato ‘Junjun’ Osmeña Jr., ug sa anak sa kanhi Gobernador nga si Mimo gikumpirmar nila ang pagkamatay ni ‘Lito’ Osmeña
Giingong namatay ang kanhi gobernador sa usa sa mga local hospitals sa Sugbo.
Kahinumduman nga niadtong milabay nga semana, ang kanhi gobernador nag-positibo sa covid-19.
Apan, wala pa hinuon gibutyag kung unsa ang hinungdan sa iyang kamatayon.
Si Osmeña ang apo ni former President Sergio Osmeña ug nahimo kining gobernador sa Sugbo gikan 1988 ngadto sa 1992.