Franchising Guidelines Ordinance takdang aprobahan sa third reading- Kagawad Lagare

GIKATAKDANG ipasa sa third reading ang Franchising Guidelines Ordinance nga giduso ni Kagawad Atty.Dominador Lagare Jr., Chair sa Committee on Transportation sa Sangguniang Panlungsod aron masulbad na ang problema sa trisikel.

Segun ni Lagare nga naaprobahan na sa second reading miaging regular session ang maong ordinansa ug gilaumang maaprobahan na sa sunod semana nga session.

Sa maong ordinansa magiyahan ang mga driver sa trisikel kalabot sa pagkuha og prangkisa, nga may tulo ka phase, una mao ang pagpasa og aplikasyon ngadto sa Public Safety Office, ikaduha ang pagsusi sa MTFRB sa aplikasyon ug kung kumpleto, irekomenda ngadto sa Sanggunian nga maoy mo-grant sa prangkisa.

Samtang giklaro ni Lagare nga walaon na ang operator ug driver na mismo ang mag-aplay og prangkisa, ma-individual o pinaagi sa cooperative.

Dili gusto sa konsehal nga may operator aron dili modaghan ang mga trisikel tungod may usa ka operator nga 32 ang unit.

Sa bahin sa mga sikad, ilalom gihapon sa LGU subay sa nalatid sa Ordinance number 37 apan hinay hinayon usa sila tungod tumong lang gayud nga ma-regulate alang sa kaayohan sa mga sumasakay.

Wala na usay fabricator sa trisikel nga tugutan ug sa karon, gibutyag ni Lagare, halos tanan walay permit nga gikan sa BLPD, TESDA ug MTFRB.

Leave a Reply

Your email address will not be published. Required fields are marked *