NAGPAGAWAS og advisory sa publiko ang LGU-GenSan nga magpatuman kini og full road closure alayun usab sa selebrasyon sa 34th Kalilangan Festival sa Pebrero 23 hangtud 27, 2023.
Ang pagsirado sa dalan ang alayun sa SP Resolution No. 258 nga nagtugot sa temporary closure gikan sa trapiko, portion sa nag-unang kadalanan alayun sa selebrasyon.
Ang temporaryong siradhan mao ang mga kadalanan sa Pendatun Ave,
Marist Ave, Sampaguita Street, Rambutan Street ug Roxas Ave .
Ang maong mga dalan ang dili paagian sa mga sakyanan tungod sa gipatuman nga full road closure.
Giabisohan hinuon ang mga motorista nga mogamit og alternate routes ug planuhon daan ang ilang mga lakaw aron mapugngan ang mga kahasol.
Photo by LGU GenSan