KALIBO, AKLAN—Nagaabot pa eang sa haeos 2% it populasyon it probinsya it Aklan do fully vaccinated kontra sa COVID-19.
As of July 11,2021 nga datos it Provincial Health Office, 32,592 indibidwal edad 18 pataas do nakabaton it andang 1st dose samtang 13,998 man do nabakunahan it second dose.
Sa nasambit nga datos, kabilugang 8,918 mga healthcare workers ag frontliners (A1) hay nakumpleto do andang pagbabakuna, 16,014 man nga mga senior citizen nakabaton it andang first dose it bakuna as of July 7, ag 4,295 do nakumpleto do andang vaccinations ag sa bahin man it mga A4 o economic front liners, do probinsya hay ginpangunahan do pagtao it 1st dose sa 1,732 individuals.
Nasayuran nga do Aklan hay nakabaton it doses it Sinovac, AstraZeneca, Gamaleya Sputnik V ag Pfizer-BioNTech vaccines agud nga mabakunahan do 70 percent it populasyon para maabot do herd immunity. // SHERRY ANNE REUNIR-VIDAL