KORONADAL CITY — NAGPAPATULOY ang imbestigasyon ng mga kapulisan sa bayan ng Tupi sa nangyaring robbery hold-up pasado ala-1 kahapon ng hapon sa Amet Gasoline Station at katabi nitong tindahan ng mga frozen meat at fish products sa Purok 1, Barangay Crossing Rubber, Tupi, South Cotabato.
Ayon sa Tupi PNP, pinasok ng apat na mga suspek ang gasolinahan at nag-deklara ng hold-up kung saan nakuha umano ng mga ito ang P30,000 na pera, cellphone, ID ng may-ari at handheld radio.
Dalawang suspek naman nang hold-up sa katabing Babes Olarte Frozen Meat and Fish Product kung saan nakuha umano ng mga ito ang P14,000 na pera at isang cellphone.
Agad namang tumakas ang anim na mga suspek matapos nagawa ang krimen.
Nagpapatuloy naman ang imbestigasyon ng mga otoridad sa insidente.
