Gensan boxer Jade Bornea daug pinaagi sa TKO batok sa Moroccan boxer, gitimbaya sa iyang kanhi boxing coach

GITIMBAYA ni Gensan Boxing Coach Cristino Laurente si Jade Bornea nga nakadaug sa IBF Super flyweight title elimanator batok sa Moroccan boxer nga si Mohammed Obbadi sa away nga gipahigayon sa Mexico, Enero 16, 2022.

Sa paghinabi sa 89.5 Brigada News FM Gensan kay Coach Laurente sumala niini nga iyang ginatimbaya si Bornea human nga gitumba ang kalaban nga langyaw pinaagi sa wala nga sumbag sa bodega sa ikatulo nga round.

Sumala kay Laurente nga niagi sa iyang mga kamot si Bornea sa dihang nisulod na sa professional boxing ug masulti niini nga aduna gayod knockout power si Bornea, may katakos pa nga mobali sa stance sa wala man o sa tuo.

Tungod usab niini kon itugot sa panahon laing duha ka Pinoy ang mag-abot sa championship, sumala kay Laurente nga si Bornea taga Barangay Ligaya samtang ang inahan ni Ancajas taga Barangay Katangawan, Gensan.

Subay sa resulta sa away na knockout si Obbadi sa ikatulo nga round, gi- ihapan sa referee apan wala na nakatindog sa iyang pagluhod.

Tungod sa mao nga kadaugan mamahimong challenger na si Bornea sa IBF Flyweight champion nga si Jerwin Ancajas sa record nga 17 ka daug walay pildi, 13 ka knockout.

Samtang si Ancajas adunay record nga 33 ka daug, 22 ka knockout, 1 pildi, 2 tabla ang kasamtangan nga IBF Super Flyweight Champion. I Ver Diazon

Leave a Reply

Your email address will not be published. Required fields are marked *