PAGGAMIT og solar panel aron makadagunit sa konsumo sa kuryente, kini ang solusyon sa labaw sa kapulisan sa gensan aron pugngan ang pagsaka sa kantidad sa bayronon sa kuryente.
Gipraktis na sa kapulisan ang pagdaginot sa konsumo sa kuryente, dungan sa pagsaka sa P8 milyon nga electric bills sa GenSan City Police Office (GSCPO) atong 2021, butyag ni Major Wesley Matillano, hepe sa Pendatun Police Station.
Sa bahin ni Col. Nicomedes Olaivar Jr., officer in charge city police director sa city police office (GSCPO), tumong niini ang magamit sa ubang panginahanglanon ang pondo nga ibayad sa electric bills. Dugang ni Olaivar Jr., gikan sa P8 milyon minaog na sa P5 milyon ang utang sa electric bills sa GSCPO, ang maong utang ang gikan pa atong 2015.
Ang bayronon ang alang sa power consumption sa Camp Fermin Lira ug sa kaniadto walo pa police station. Sa karon, takdang magsumite og proposal ang GSCPO sa konseho aron matugotan nga makapalit sa milyon pesos kantidad sa solar panel. I Richel Gubalani