GenSan dili pa makadeklara og ‘state of calamity’ dungan sa nasinatiang El Niño

WALA nakita sa mga opisyal ang pagpailawom sa GenSan sa state of calamity luyo sa nasinatiang tumang kainit sa mga residente.

Matud ni Merlinda Donasco, City Agriculture Officer, wala pa kaabot sa requirements sa deklarasyon ang damyos sa El Niño sa GenSan.

Sa ulahing datus nga gipagula sa buhatan naa sa 104 ka mag-uuma ang apektado gikan sa 84,000 ektaryang umahan.

Asa sa kinatibuk-ang misaka na sa P6. 7milyon ang natala nga produksyon loss sa GenSan gumikan sa tumang kainit sa panahon.

Luyo niini, butyag ni Donasco dunay P24 milyon nga pondo ang GenSan nga gamiton sa pagtabang sa apektadong mananagat ug mag-uuma.

Sa forecast sa Pag-Asa- GenSan, gibutyag ni Binrio Biñan ang weather forecaster mopadayon pa ang tumang kainit hangtud Mayo.

Apan dunay mga panahon tungod sa season transition, makasinati na og ginagmay’ng pag-ulan sa siyudad.

Gawas sa mag-uuma, apektado usab sa kainit ang construction worker ug ubang trabaho nga naa kanunay ang trabaho sa gawas. I Richel Gubalani