ANAA sa sobra 300 ka mga classroom ang kinahanglan matukod sa GenSan sa kada tuig, kini aron ma-cater ang 1 classroom per class.
Kini ang gibutyag ni Isagani dela Cruz, DepEd GenSan Schools Division Superintendent luyo nga tungod na usab kini sa pagka urbanized city sa GenSan ug daghan dinhi ang gabalhin sa pagpuyo, mao nga madugang sa ihap sa mga magtutungha.
Kada tuig anaa usab sa 4 to 5 percent ang usbaw sa ihap sa mga estudyante nga mas taas itandi sa national target nga anaa sa 2 percent kada tuig. Tungod niini kinahanglan usab ang dugang classroom ug nanghinaut nga mahatagan og pagtagad ang tanang kakulangon, sama sa magtutudlo ug uban pa. Sa karon, adunay 168 ka mga magtutudlo ang kinahanglanon sa GenSan alang sa high school ug may miabot nga 66 ka bag-ong magtutudlo mao nga kulang na lang og sobra gatus.
Samtang excited na usab ang DepEd GenSan sa high breed ug high tech learning subay sa gibungat ni Pangulong Ferdinand Marcos sa iyang 2nd SONA niadtong Lunes. Sa karon padayung gipatuman ang curriculum nga MELC o Most Essential Learning Competencies asa anaa gihapon ang face to face ug module.