POSIBLENG karong school year ipatuman ang gisaad nga paghatag og education subsidies alang sa mga pampublikong tulunghaan sa GenSan. Dungan sa pagmugna og technical working group (TWG) og guidelines sa pagpatuman sa subsidy alang sa public schools.
Takdang ipadala sa Office Of The City Mayor’s Office sa labaw sa TWG ang namugna nilang Implementing Rules and Regulation (IRR). Matud ni Nepomuceno Federizo, Senior Education Program Specialist sa Department of Education (DepEd) ug labaw sa TWG, naa sa P64 milyon educational subsidies ang ihatag sa LGU alang sa 81 elementary schools ug 36 ka sekondarya sa GenSan.
Dugang ni Federizo, magsugod karong school year ang paghatag og ayuda o subsidy nga P400.00 matag ginikanan nga nabalaka sa pagbayad og school fees nga gi-shoulder sa city government. Ang pondo ang kuhaon sa special education fund, dugang ni Federizo.
Samtang, bisan paman naa lang P100.00 ang Parents Teachers Association (PTA) sa Jose Catolico Elementary Schools, dakong ginhawa kini sa mga ginikanan nga naghandum sa pagpatuman niini.
Una nang, gianunsiyo ni Mayor Lorelie Pacquaio nga abagahon sa siyudad ang pag-abaga sa school fees. Dungan sumala pa sa pagkadaghan sa mga ginikanan nga nabalaka kalabut sa mga balayronon sa eskwelahan.
Magsugod ang paghatag niini sa Hulyo alang sa Brigada eskwela isip pagpangandam sa pagbalik sa mga estudyante sa tulunghaan. I Richel Gubalani