GenSan nagpabiling hapsay sa pagsaulog sa Valentine’s day

WALAY mga untoward incidents sa pagsaulog sa Valentine’s day sa GenSan, subay sa inisyal nga assessment sa kapulisan sa dakbayan.

Gipanghinaut kini sa kapulisan nga magpadayun ang maong sitwasyon sa syudad may susamang okasyon man o wala.

Dungan niini, gibutyag ni PLt.Col.Aldrin Gonzales, tigpamaba sa General Santos City Police Office nga padayung nakaalerto ang kapulisan masiguro ang kaluwasan sa publiko.

Awhag na lamang usab ni Gonzales sa publiko kanunayng magmaigmat ug tabangan ang otoridad sa pag-report unsa man ang ilang mamatikdan nga dili maayo o kadudahang tawo sa ilang palibot.

Samtang gibutyag ni Gonzales nga may bag-ong building na ang San Isidro Police Station o presinto 4 nga nahimutang sa Promise Land 2, Barangay Mabuhay nga gi-turn over na, Pebrero 14.

Anaa usab sa maong inauguration ug blessing sa new building sa police station 4 silang Police Regional Office-12 Director PBGen.Jimili Macaraeg ug hepe sa maong presinto nga si PMajor Carl Jayson Baynosa.