GenSan naka-full alert status dungan sa ulahing insidente sa pagpamomba

HUGOT nga seguridad ang gipatuman sa gensan dungan sa laing insidente sa pagpamomba sa bus sa lunes sa hapon sa terminal sa isulan, sultan kudarat.

Ang pagpahugot sa seguridad sa siyudad ang gilayong gimandu ni Police Col. Jomar Alexis Yap, director sa GenSan City Police Office (GSCPO).

Gisaka ang pagpatuman sa seguridad ug pagsaka sa visibility sa tibuok siyudad ang dungan sa insidente sa terminal nga gikasamad sa pito ka pasahero sa bag-ong double-decker unit sa bus nga iya sa husky, butyag ni PLt.Col. Aldrin Gonzales, deputy city director for operation sa GSCPO.

Sa bus terminal sa gensan, pagsulod pa lang sa terminal girikisa na sa kapulisan ang bagahe gamit ang metallic scanner ug gi-inspeksyon usab ang mosulod nga mga pampubliko ug pribadong sakyanan.

Gisaka sa mga bus marshal nga sakop sa GSCPO ang mga bus bag-o kini molarga ug ginaubanan nila hangtud sa utlanan sa gensan ug Polomolok, South Cotabato.

Samtang, pabor alang sa mga pasahero ang hugot nga seguridad bisna paman matanggong sila tungod sa pag-rekisa sa ilang bagahe. Nobyembre 2022, human sa pgpamomba sa usa ka unit sa Yellow Bus Line (YBL) sa Tacurong City gikamatay sa usa katao ug gikasamad sa dosenang indibidwal.

Sa maong bulan usab nakalusot sa gensan ug nakasulod sa terminal ang unit sa bus karga ang eksplusibo nga gilayong gipabusikad sa otoridad. I Richel Gubalani