GenSan nakatala og 7 ka pagpamusil karong tuiga

MISAKA na sa pito ka insidente sa pagpamusil ang natala sa GenSan gikan Enero hangtud karong bulana sa kasamtangang tuig.

Sa datus sa General Santos City Police Office (GSCPO) gikan sa maong ihap duha ang naresolba na sa kapulisan.

Asa napasakaan na og kaso ang namusil nilang Gerardo Castro III ug Ramandeep Singh Varn nga gipusil samaron sa area sa Lagao ug Fatima Police Station. Samtang padayong giimbestigahan ang pagpamusil patay nilang Richard Mendoza, Alex Pulalon, Harry Borata ug Generose, Ibrahim Kadil Sabiwang, Hyun Seong Hung ug Montacier Singcoy. Matud ni Major Rissa Hernaez,tigpamaba sa GSCPO nagmugna na og Special Investigation Task Force (SITG) kalabut sa pagpatay kang Hung.

Naa usab karon sa pagpahipos og mga impormasyon ug ebendensiya ang kapulisan sa pagpamusil patay sa upat pa.

Aron usab pugngan ang nagkadaiyang krimen, padayon ang pagpatuman sa Oplan Kabalikat, Oplan Yawyaw, beat ug foot patrol. Sa Fatima Police Station asa si Hernaez ang hepe sa presinto, giapil na niya ang komunidad aron makatabang sa pagbantay sa palibot. Rason sa paglusad sa Samahan ng Aktibong Konduktor, Tsuper at Operator (SAKTO). – Rich Gubalani

Leave a Reply

Your email address will not be published. Required fields are marked *