GenSan pabiling naa sa ‘low risk’ sa COVID-19

MIAPELA ang health authorities sa GenSan sa publiko partikular sa senior citizen nga dunay sakit nga hugot sundon ang health protocols batok Covid-19.

Kini luyo sa pagpabiling naa sa low risk ang klasipikasyon sa siyudad kalabut sa sitwasyon sa Covid-19. Matud ni Dr. Lalaine Calonzo, labaw sa City Health Office (CHO), dunay kinatibuk-ang 28 active cases sa maong sakit ang GenSan sa karon.

Luyo sa ubos nga kaso og walay nakita nga pagsaka niini, pahimangno ni Calonzo sa publiko nga hugot sundon ang health protocol sama sa physical distancing ug kanunay’ng pagpanghugas og kamot.

Sa mga senior citizens, mandatory gihapon ang pagsuot nila og face mask sa adto sa mga lugar nga daghan og tawo. Samtang, sa mga gipadalang sample sa CHO alang sa sequencing sa Philippine Genome Center wala’y nagpositibo sa unsa mang strain.

Una nang, gikataho nga na-detect sa Pilipinas ang kaso sa omicron subvariant XBB.1.9.1. Hinungdan sa pagsaka seguridad sa pipila ka LGU sa nasud sa seguridad batok sa maong strain sa virus. I Richel Gubalani

Leave a Reply

Your email address will not be published. Required fields are marked *