Gensan PNP city director gipaniguro ang paghatag og hustisya sa pagpusil-patay sa usa ka negosyante sa public market

GIPANIGURO ni Gensan PNP Director PCol. Jomar Alexis Yap nga makaangkon og kasulbaran ug hustisya ang pagkamatay ni John Daryl Baque ang 27-anyos nga negosyante og drug good sa palengke ug gipusil sa wala mailhing mga responsable pasado ala 1 sa hapon, Oktubre 10 sa Cagampang Street, Central Public Market, Brgy. Dadiangas South ning dakbayan.

Gibutyag ni PCol. Yap nga iya nang gimanduan ang iyang mga sakop ilabi na si PCapt. Ian Bagot ang hepe sa Bula Police Station nga magpahigayon og hot pursuit operation ug palawman ang imbestigasyon kalabot sa maong insidente.

Mismong ang nasampit nga City Director ang naghatag og impormasyon sa Brigada News FM kalabot sa maong panghitabo ug gipanawagan ang kinsa mang adunay kahibalo sa ilhanan sa mga suspek nga ihatag lang ang impormasyon sa ilang buhatan alang sa pag lihok sa imbestigasyon ug posibilidad nga pagkasikop sa mga responsable.

Kahinudumang duha ka wala mailhing indibidwal ang nahimong resposable sa pagpamusil sa naasoyng negosyante.  Gamit sa mga suspek ang motorsiklo isip getaway vehicle. Samtang nag hatag usab og mensahe si Yap sa mga suspek. I MJ Fernandez