Humakot ng season high 49-points si Giannis Antetokounmpo para isalba ang Milwuakee Bucks kontra sa powerhouse team na Brooklyn Nets, 117-114.
Hindi nagpatalo ang two-time reigning NBA Most Valuable Player sa kanyang karibal na si Kevin Durant na kumamada naman ng 42-points para sa Nets.
Pinuri naman ni Antetokounmpo ang kanyang teammates sa panalo dahil magandang depensa at maayos na ball movement.
“They have great players so we had to lock in, trust one another on defense and execute on offense,” saad ni Giannis.
Samantala may double-double performance naman si Khris Middleton para sa Bucks sa kanyang 26 points at 11 rebounds.
Habang sa panig ng Brooklyn umiskor si Kyrie Irving ng 20 points habang si Landry Shamet ay nagtala ng 17 puntos.