Balhog na sa prisohan sa Buenavista Municipal Police Station ang isa ka lalaki human nanigbas og lima ka tawo dihang nawad-an sa saktong paminsar tungod sa pakigbuwag sa asawa kaniya.
Ang dinakpan nailang si Sonny Sajulga Boiser, 42 anyos, minyo, residente sa Sitio Talag-anahaw, Brgy. Talo-ao, Buenavista, Agusan del Norte.
Sumala ni Police Major Randy Abunda, ang hepe sa nasangpit nga presento, depresyon ang hinungdan kun nganong nahimo sa suspetsado ang pagpanigbas ngadto sa mga biktima kinsa igo lang nga iyang nakasugat.
Bag-ohay lang matod pa gibuwagan sa asawa ang suspetsado ug tungod sa subra kaguol, wala na kini nikaon hangtod wala na nakahunahuna og maayo resulta nahimo ang maong salaud.
Kasamtangan, gihulat pa sa kapulisan ang mga biktima kinsa padayong nagpaayo sa mga samad nga na angkon kun ikiha ba nila ang responsable.
JasFat Sajulga Sabillon