Gikan nakig-check in, naghikog patay

Patay ang usa ka babae homan gituohang naghikog sulod sa usa ka inn nga nahimutang sa Mahogany St. Carmen, syudad sa Cagayan de Oro.

Sa report sa kapolisan nakadawat sila og impormasyon kalabot sa gi-ingong alleged suicide incident sulod sa usa ka room sa inn hinungdan nga ila gilayong girespondehan.

Sa imbestigasyon, usa ka Jovelyn Barbosa, 33-anyos, dalaga nga taga Lomboy, Indahag ning syudad ang gidala sa usa ka pribadong hospital sa brgy. Carmen aron i-revive sa mga doctor.

Sigun pa sa usa ka Larry Mondelo, 30-anyos, minyo kinsa maoy uyab sa biktima nga nag-check-in sila kagahapon sa usa ka inn alas 10 sa buntag.

Igo lang matud pa nga nag-break si Larry sa iyang trabaho aron maka-uban ang iyang uyab aron makag-estorya-estorya.

Homan nga nag-check-in, mihawa og una si Larry sa inn ug nabilin ang iyang uyab nga si Jovelyn.

Mibalik si Larry sa nahisgutan nga inn alas 3 sa hapon aron ma-check ang iyang uyab, apan na-locked na matud pa ang room, hinungdan nga mihangyo sila og yabe ngadto sa housekeeper sa maong in, apan sa pag-abre nagbitay na ang biktima gamit ang usa ka habol.

Dead on arrival na nga nadala sa balay tambalanan ang babae. Gi-detain una karon ang uyab nga lalaki sa PS4 Carmen alang sa dugang imbestigasyon.

Kini homan nagtuo ang pamilya sa babae nga adunay foul play sa maong hitabo.

Subay niini, gi-abisohan sa otoridad nga ipa-ilawom sa otoptosiya ang patay’ng lawas sa babae aron masuta kung unsa gayud ang gikamatyan sa biktima.

Leave a Reply

Your email address will not be published. Required fields are marked *