Samad pinusilan sa tiyan ang na angkon sa mag-uuma human gipusil sa naka-motorsiklong snatcher diha sa P-17, Brgy. Los Angeles, Butuan Citypasado alas – 10:04 kagabii.
Ang biktima nailang si Mc Gyver Bucayon Fernandez, 32 anyos, minyo, residente sa maong lugar.
Sa imbestigasyon sa Ampayon Police Station, gihunongan ang biktima sa naka-motorsiklong mga suspetsado dayong pangutana, apan dihang wala kini nakaila sa tawo nga ilang gipangita, kalit lamang gilabni sa isa sa mga suspetsado ang gihawirang cellphone.
Wala gihatag sa biktima ang cellphone hinungdan siya gipusil tumong sa tiyan dayong sibat.
Paspas nanibat ang mga suspetsado samtang ang biktima daling gidala sa M.J. Santos Hospital ug takdang operahan sa samad nga na angkon.