Gimingaw sa pamilya; 2 rebelde, misurender

Gimingaw sa pamilya ug naglisod ang kahimtang sa pagtago-tago hinungdan nga boluntaryong misurender ang duha ka manggugubat sa rebeldeng New People’s Army (NPA) diha sa kampo sa Jamboree Site, Purok 6, Brgy. Alubihid, Buenavista, Agusan del Norte sa nakalabay’ng adlaw.

Naila ang mga misurender nga sila alyas Daniel, 38 anyos ug alyas Jojo, 26 anyos, pulos sakop sa Sub-Section Guerrilla Unit (SSQGU), Headquarters Force (HQF) sa North Central Mindanao Regional Committee (NCMRC).

Bitbit ni Daniel sa pagsurender ang isa ka AK47 rifle nga dunay mga buhing bala samtang kang Jojo, dala niini ang isa ka M16 rifle ug mga buhing bala.

Asoy ni Daniel, wala sila maka-agwanta sa kamingaw sa pamilya ingon man kapait nga nasinatian sulod sa kalihokan hinungdan sila nanibat ug misurender.

Awhag sa mga nahisgotan sa nabiling mga kaubanan nga mo surrender na aron makabaton sa hapsay nga pamuyo uban sa pamilya.

📷 23IB PA

Leave a Reply

Your email address will not be published. Required fields are marked *