GIKLARO sa Department of Agriculture (DA) sa Soccsksargen region nga monitoring ug reporting ang himoon sa local government unit (LGUs).
Sa unang adlaw sa pagpatuman sa executive order (EO) 39 ni Pangulong Ferdinand Marcos Jr., kalabut sa pagtakda og presyo sa bugas. Matud ni John Pascual, regional director sa DA-12 magpulong pa karong adlaw ang mga opisyal sa DA, Department of Trade and Industry (DTI) ug kapulisan kung paunsa himoon ang enforcement ang kamanduan. Kahibaloan nga moepekto karong adlawa Setyembre 5 ang EO 39 human kini nag-publish sa national newspapers.
Ilawom sa EO, gimandu ni Marcos ang DA ug DTI nga isiguro ang estriktong pagpatuman sa gimandu nga price ceiling. Gawas niini, gimandu usab ang paghatag og assistance sa apekto nga mga retailers. Base sa monitoring sa DA, ang presyo sa mga imported commercial rice naa sa P43 -P65 per kilo, samtang sa local rice retailed gikan P42 hangtud P65 matag kilo. I Richel Gubalani