Dako ang pagpasalamat sang lokal nga panguluhan sang Probinsya sang Negros Occidental nga lunsay negatibo sa Covid 19 ang 33 nga mga nag-alabot nga mga sakada ukon manugtapas sang tubo halin sa probinsya sang Antique.
Ginpahayag ni Negros Occidental Provincial Administrator Atty Rayfrando Diaz 2nd may ginpaabot ang probinsya nga dugang nga mga trabahante halin man sa gihapon sa Antique sa idalom sang grupo nga Bayanihan.
Sa sini, magapatigayon sang pag-isip ang probinsya sa kadamu-on sang test kits nga naggamit para sa mga ini sadtong nagligad nga tuig agud makumparar sa una nila sini nga gindonar nga test kits para sa Covid -19 kun sa diin suno kay Diaz kun may subra ukon may yara pa sang wala magamit mahimo mapahanugutan ang libre nga swab test para sa amo nga mga trabahante.
Dugang pa ni Diaz kapin sa 400 ka mga sakadas ang ginalauman magaabot sa probinsya.