Positibo nga ginalantaw ni Capiz Governor Fredenil Castro nga mangin madinalag-on ang Capiztahan sa subong nga tuig 2023 kag sa mga masunod pa nga tinuig.
Ini ang nangin pahayag sang opisyal sa atubang sang mga media matapos ginhiwat ang press conference sang nakaligad nga inadlaw.
Suno kay Governor Castro, nakit-an sini ang pagbinuligay kag pagtimakas sang mga Alkalde sa kada kabanwahanan para sa ila nga partisipasyon sa tanan nga aktibidad sang Capiztahan ilabi na sa Maragtas sang Capisnon Cultural Show, Parade of Floats and Street Performances sa maabot nga Abril 15 nga pagapasakupan sang 3,200 ka partisipante kag ginakabig nga highlights sang nasambit nga selebrasyon.
Dugang pa sini. para masiguro nga mapabakud ang Capiztahan kag mangin sustainable ang tourism industry sang probinsya, nag-organisa ang mga ini sang Maragtas Capiz Foundation- isa ka foundation nga magadumala sa kada tuig nga festival.
Ginkalipay man Castro ang bug-os nga partisipasyon kag suporta nagikan sa academe, business sectors, kag mga opisyales sang syudad kag probinsya.//KMD Gicalde