‘Gov. V.M. Gatuslao Memorial Hospital sa Himamaylan, himuon ikatatlo nga COVID Center sa Negros Occ.’

Ginahanda sa karon sang gobyerno probinsyal ang manpower sang Governor Valeriano M. Gatuslao Memorial Hospital sa syudad sang Himamaylan bilang ika-tatlo nga Covid Center sa probinsya sang Negros Occidental. 

Ang paghimo sa nasambit nga hospital bilang ika-tatlo nga center para sa mga Covid patients ang nahisugtan sa ginpatigayon nga pagsinapol sa tunga nanday Governor Bong Lacson upod kay Provincial Administrator Rayfrando Diaz kag sang Provincial Incident Management Team sa pagpamuno ni Zeaphard Gerhart Caelian. 

Ginpahayag ni provincial administrator Rayfrando Diaz, bangud sini ginmanduan sa karon si Dr. Girlie Pinongan, pinuno sang Hospital Operations Department ang ihanda ang tagdumalahan sang hospital para sa amo nga katuyu-an. 
Nagalaom si Diaz, ma-imprubar kag madugangan ang bed capacity para sa mga Covid patients sa bug-os nga probinsya sang Negros Occidental.

Leave a Reply

Your email address will not be published. Required fields are marked *