Sikop sa kapulisan ang usa ka government employee ug laing duha ka kauban niini atol sa gilusad nga joint drug buy-bust operation sa Davao Oriental Provincial Office of Philippine Drug Enforcement Agency Regional Office XI ug Mati City Police Station niadtong Mayo 17 alas- 9:00 sa gabii sa Purok Tate Acasia, Martinez Subdivision, Barangay Dahican, Mati City, Davao Oriental.
Sa maong operasyon gitumbok sa kapulisan ang usa ka Eric Belsonda alyas Eric, 38 anyos, ug residente sa Sitio Nasa, Barangay Dahican, ug nanag-iya usab sa drug den.
Naaktuhan sa PDEA agent nga nagpaka aron ingnung mamalitay og iligal nga droga si Eric bugti sa usa ka libo ka pesos (P1,000).
Samtang, naaktuhan sab ang Job Order employee nga nadestino sa Provincial Capitol of Davao Oriental nga nailang si Eric Lanaban ug ang kauban niining si Ronald Besoro nga nag-shabu session adtong tungura.
Nakuha sa mga nahigsutuan ang usa ka medium size sa pakete sa gituohang shabu nga mutimbang sa kapin kon kulang unom (6) ka gramo nga dunay DDB Value nga 40,800.00, nagkadaiyang drug paraphernalia u gang buy-bust marked money.
Kasong kalapasan sa Republic Act 9165 kon Comprehensive Dangerous Drugs Act of 2002 ang atubangon sa mga suspek.