Grade 11 student nga nagapataya sang STL Bookies, arestado

Arestado ang isa ka grade-11 student matapos nadakpan sa akto nga nagapataya sang illegal nga STL Bookies sa Sitio Camagong, Poblacion Ilaya, Maayon, Capiz.

Ginkilala ang naaresto kay Regilou Dapilaga, 19-anyos, residente sang Barangay New Guia sa nasambit nga banwa.

Sandig sa impormasyon nagikan sa Maayon Municipal Police Station, narekober sa paghinakop kag posisyon ni Dapilaga ang lima ka stapled nga papel nga may yara sang number combinations, isa ka ballpen, kag P120 nga kwarta sa nagkalain-lain nga denominasyon.

Napaslawan naman ini nga magpakita sang nagakaigo nga dokumento.

Sa karon, yara na sa kustodiya sang Maayon PNP ang suspek para sa nagakaigo nga disposisyon. | Judy Ann Juare

Leave a Reply

Your email address will not be published. Required fields are marked *