Patay nang nakapalagan ang usa ka 9-anyos nga bata human maanod sa baha sa Purok 7 Sitio Dipag 2, Brgy. Manuel Guianga, Tugbok District, Davao City.
Sa interbyu sa 91.5 Brigada News FM-Davao kay Lloyd Ongco giila niin ang iyang anak nga si Ashely Ongco, grade 3 pupil nga taga Sirib ning syudad.
Sumala pa sa amahan nga igo lamang nagbakasyon ang iyang anak sa balay sa iyang lola kon asa nagkugog sila atong higayona sa iyang 11-anyos nga ig-agaw aron magkuha og module sa dihang naabtan sa ulan.
Papauli na unta ang duruha sa dihang ilang gitabok ang kusog nga bul-og sa tubig og didto na nadala sa tubig ang biktima.
Saysa usab ni Glenn Sasing uyuan sa biktima nga nataod-taoran pa ang ilang pagpangita ayha paman nabangalan si Ashley apan napuno na og bun-og ang ulo niini nga posibleng nabunal sa bato.
Nanawagan karon ang pamilya nga matabangan sila sa pagpahiluna sa bata sanglit nagkalisud usab matud pa sila karong higayuna.