KALIBO, AKLAN—Nagpaabot it rekomendasyon do grupo it mga negosyante sa probinsya it Aklan sa tunga it mas hugot nga pagpatuman it COVID-19 restrictions sa probinsya.
Sa pakipag-angot it Brigada News FM Kalibo kay Mr. Jun Arriolo Aguirre, Corporate Secretary it Philippine Chamber of Commerce and Industry ukon PCCI-Aklan, ginpahayag kara nga owa ginakonsulta it Provincial IATF do business sector bago magpatuman it restrictions kung siin bukon eamang sigon it do pamilya it negosyante do apektado sa pagpasara it mga establishemento kundi pati man do tagsa-tagsa ka mga workers nanda rasun agud nga magdesisyon sanda nga magpadaea it sueat kay Kalibo Mayor Emerson Lachica ag sa PIATF.
Pila man sa mga ginrekomenda it PCCI hay obrahon nga “accessible” do Kalibo sa tanan nga banwa sa Aklan bangud nga raya do sentro it komersyo at kalakaran, taw-an it ayuda do mga apektadong residente it surgical lockdown, dugangan do mga quarantine facilities sa tags aka mgabarangay, siguraduhon nga ginasunod it mga establishemento do minimum health standards, mag-hire it kadugangang contact tracers, magbakae it 50,000 Antigen Test kits at kadugangan nga bakuna.
Samtang, bukon man it pabor do grupo sa lockdown bangud nga may mabahoe sigon raya nga epekto sa ekonomiya. // SHERRY ANNE REUNIR-VIDAL