Grupo sa pagpangarnap, sikop sa Ozamiz City

SIKOP ang tulo ka lalaki sa kasong pagpangarnap sa hiniusang operasyon sa mga kapulisan sa dakbayan sa Ozamiz, kaniadtong Hunyo 21 ning tuiga sa may alas 1:31 sa buntag.

Giila ang biktima nga si Jaguar Sestual  Dolmo, 44 ​​anyos, adunay live-in partner, driver sa motorcab, ug residente sa P-3 Brgy Malaubang, Ozamiz City, diin matud pa nga gitawagan gilayon niya ang Ozamiz City Police station nga adunay nahitabong carnapping sa nasangpit nga lugar, og gikataho nga ang iyang motorcab nga adunay plate number 2253, gicarnap sa usa ka grupo.

Daling mipahigayon ang mga kapulisan sa Hot pursuit operation sa Brgy Bagakay, Ozamiz City, nga dedto malampusong nakuha nga naasoy nga motorcab ug miresulta usab sa pagkasikop sa giilang si ENRIQUE CELLAN  ROMO, 18 anyos, ulitawo, walay trabaho ug residente sa P-3 Brgy Malaubang, Ozamiz City,  apan tulo ang nakaikyas og malampuson ra usab kini nga nasikop nga giilang si MELBERT CULANAG, MICHAEL CRAUSUS (ug JAN JAY Torres.

Sa pagkakaron ang mga anaa sa kustodiya sa Ozamiz City Police Station alang sa tukma nga disposisyon ug alang sa pagpasaka sa tukma nga kaso sa korte batok kanila._BNFM Oroquieta

Leave a Reply

Your email address will not be published. Required fields are marked *